週一 4月 10, 2006 9:41 pm
有人捌兌問我：妳閒的時或者上網攏咧作啥？著啊，我置作啥咧？真實的朋友干擔有一個上網，佮三個親人咧用“網路”聯絡載誌爾，其他攏毋是！坦白講親晟朋友有載誌揩電話連絡較緊！只因為我上網的時間，無受約束，透早落床電腦著共開咧到深更即關機，難免予人感覺我足閒吓，歸工攏在網路塊踅。其實，我有置作工課嘛有咧食頭路，只是我的時間會凍較自由爾爾。
閒閒的話題使我著驚！我到中年遂咧出癖仔。假做斯文讀冊人參人佇寫彼一個華語新詩，又閣手賤忍袂牢看袂慣勢著發表意見，共一寡人得罪了了，唉呀，真正是七月半鴨矣嘸知死活，嘸知天地幾斤重，參人紅目騖鬥鬧熱，寫彼個有的沒的。昨方，我一個茨邊仝年吓，誠好意逶廟寺掣善男信女大德寄付的空白紙張欲予我寫，講是卜共我結緣。伊講：「妳寫遮道較袂破病啦！上無嘛會使予妳練字閣沉澱心情……」
噢！逶今碼起，若人問我閒閒的時袸咧作啥物？我道佮怹講：抄經。現主時的我道是佇抄心經、寫大悲咒、沉澱歹性地予家己較好性一點矣。
閒閒的話題使我著驚！我到中年遂咧出癖仔。假做斯文讀冊人參人佇寫彼一個華語新詩，又閣手賤忍袂牢看袂慣勢著發表意見，共一寡人得罪了了，唉呀，真正是七月半鴨矣嘸知死活，嘸知天地幾斤重，參人紅目騖鬥鬧熱，寫彼個有的沒的。昨方，我一個茨邊仝年吓，誠好意逶廟寺掣善男信女大德寄付的空白紙張欲予我寫，講是卜共我結緣。伊講：「妳寫遮道較袂破病啦！上無嘛會使予妳練字閣沉澱心情……」
噢！逶今碼起，若人問我閒閒的時袸咧作啥物？我道佮怹講：抄經。現主時的我道是佇抄心經、寫大悲咒、沉澱歹性地予家己較好性一點矣。
