週六 3月 04, 2006 9:10 pm
姑仔來
會曉做的，小姑做大家款。袂曉做的小姑，無通食。
嫂仔嫁來，姑仔靠勢欺侮伊，等到姑仔嫁，父母嘛過身，一工小
姑予伊的小姑欺侮，氣著走轉來投外家阿兄，兄哥拄好無佇厝，嫂仔
一看機會來，就報田螺寃，煮一坩清清清的蕃薯簽糜請小姑，喙講歹
勢唸．．．．．．
姑仔汝來
嫂仔都毋知。
今年田無做、冬無收，
飯籬吊韆鞦，
鼎蓋水裡泅，
卜食蚶（kap4），蚶厚塗，
卜買肉，拄着人禁屠，
卜買菜，拄着掘菜股，
卜買魚，拄着風颱雨，
卜買豆腐，豆腐咧生菰，
卜買豆簽，豆簽爛糊々。
姑仔姑仔！今年上艱苦，
蕃薯簽糜、罔來罟（ㄍㄛ撈），
食未落去、配菜脯，
聽候天公有補所，
予恁兄哥收成一千箍、
刣猪屠羊來相補。
予姑仔汝食加牙仔齴齴（兀ㄧㄤ！），舌吐吐。
註：即段唸詞是鳳山老高採集的，相當樸實地反映農村凋弊的情境（
刊載佇昭和6年3月7日台灣新民報354期），故事是口傳的。
