週三 9月 25, 2013 11:30 am
2013-09-23
閣過一個中秋，就足足看了六十個的中秋月娘；這其中有光到親像ㄧ粒大卵仁，
也有匿置烏雲後面偷偷咧笑、或是暗暗咧哮的時陣。毋管中秋暝的月娘是用什物款的
表情來看這世間男女，歡喜的郎照常大聲笑，悲傷的郎仝款流目屎，愁苦的郎毋管是
酒亦是茶，落喉攏是苦澀的滋味。
講人生順勢傷無聊這句話的郎，毋知這句話傷著外濟郎；因為人生是苦海，行過
數十冬生活就親像月圓月缺，圓了又缺、缺了又圓，有哭有笑，有時真長的日子攏 是
烏暗暗看未著任何的月光。
人生走到眛閣欣羨別郎，眛閣為家己感嘆可憐，可以平靜看著別郎所有的是家己
所無的，可以心無波動面對現實的無情，這時陣…上自在也上富裕。