短文兩篇

[5656]

【時間佮空間】
　
　　當一件緊急危難的代誌發生時，可能洶洶毋知該按那處理；若焉爾需要冷靜一下，
避免佇緊張煌狂的時陣做出錯誤的判斷，後悔一世郎。

　　當無閒到無暝無日的時陣，需要暫時歇一下，予家己的頭殼冷靜，避免過分的無閒
迷失了自己。
　
　　當氣到嗆煙欲爆炸的時陣，更加需要控制家己忍耐一下，免得佇失去理智的情形下
，做出傷害家己、別郎的代誌，造成一世郎的遺憾。

　　真濟時陣，咱攏需要為家己留一點點仔 空縫，就親相兩台相閃的車需要保持安全距
離仝款，隨時攏會當進前退後的空間。

【佇阻礙中堅強】　
　
　　咱攏曾經置生命轉彎的所在期待，等待一個毋知的結果。有可能是ㄧ个予家己真滿
意的結果；但是，大部分攏是一個使家己失望傷心的答案。

　　可是，咱猶原ㄧ再佇失望中堅強，等待體會難得的成功；就算只是一个小小的得意
，亦真珍惜其中甘甜的滋味。