喜菡文學網

花若離枝，承載不了
落葉般的離愁，擱一次回頭
已不知幾年冬。
花落離溝，田水黏惦身軀爛泥
鳥仔嘛未擱再飛起
祇袸還袂睏飽的月瞑。


若是妳知，阮猶原是飛不遠的鳥隻
猶原嚎未出聲，叫未落定
祇待妳在寒冬，輕輕在耳邊叫阮的名
安貼阮的生命。
若是妳知。
若是葉子隨風落在水岸。


離枝的花，亦作是葉
攏是暗瞑吹過身軀的一首歌曲
無論是妳，亦作是路燈
攏照在阮的心內，溫暖著美麗的心窗。
若是花隨落葉被風打落土
亦作是落葉隨風吹送花叢
心內的彼條歌，最後
嘛是祝福著伊人。
就算是花跟葉猶原
不是同路人。


阮的心，阮的眼前彼片虹彩
疊著落雨聲，滴答滴答
取笑淋著雨的憨人
阮猶原嘛知影，被風打落土的
不是暗暝的孤影
不是蜘蛛網的寂寞
祇是阮心內無聲的一面鏡。

若是花若離枝。






/櫺曦
http://www.wretch.cc/blog/overhere

目睭讀著你的文章
耳孔邊是蔡振南的花若離枝的歌曲
總是感覺一點點阿悽涼
其實不過是大自然的現象
心情卻是人的^_^