週日 6月 08, 2008 7:49 pm
2008-05-31
吃晚噸的時新聞播送一條新聞，講一個老師佮一個學生置上課中對
嗆、拍桌頂、摔椅仔，老師是委屈到流目屎。第二工閣有一個體育老師
置游泳池，用倒頭栽的方式來處罰一個真驚上游泳課的學生。
對教育為職業的老師我攏有一個想法，就是有法度讀到師範大學畢
業，卻無一定就有擔任老師的「智慧」佮「心意」；教導學生絕對毋是
大聲嗆、大力拍桌 頂、摔椅仔就有效，亦毋是凡事無問原因就用打罵來
教示學生。
「做老師」是真濟人的夢想，只是被尊稱一聲老師、有好的待遇、
又放假日濟的條件吸引你的同時，是毋是有用「心」去思考：該如何來
教育咱的下一代，是毋是有應變的智慧來面對有各種問題的學生，該如
何做一個予學生永遠懷念的好老師？！
