阿母e一雙跤

[瓊寒]

細漢e時
感覺阿母e跤
親像一台自動車
無眠無日四界趴
為顧阮三頓
毋捌喊痛疼

佇東時
伊靠雙跤
上山落海檢柴箍樹椏
轉來燒
擱愛
一莊過一莊挑水果濟少
賺來食
有時陣
落田作息歸眠日
攏毋驚托磨
記智中
歸年迵天
毋管風颱落雨行甲雙跤
漉糊糜
或是
日頭赤炎炎曝甲
烏暗眩
伊e跤步
一直真有聲

迄當陣
阮攏e想
阿母e跤真利害
真正假那一台自動車

時間假若紡車輪
阿母響時不敢喊聲e疼痛逗逗來
醫生說:
歲頭大骨頭老化
跤風攏會跟著走
現此時
阿母無拐袂行路
無滯輪椅袂出門

阿母啊阿母
阮知影汝歸工無出門
心頭真孤單
阮知影汝真愛甲卡早仝款
四界去行踏
阮會擔擔轉去看汝
陪你開講
回憶阮
囡仔時代e代誌
陪你四界踅
叫醒汝
共共要放袂記e記智

[5656]

瓊寒．．我重排版只是縮短文章方便改字。無其他意思^__^
這其中袂我是習慣寫眛或昧。所有我改的字只是請瓊寒參考爾爾，無ㄧ定正確^__^

細漢e時感覺阿母e跤 　親像一台自動車 　無眠無日四界趴
為顧阮三頓　毋捌喊痛疼

佇東時伊靠雙跤　上山落海檢柴箍樹椏轉來燒
擱愛　一莊過一莊挑水果　濟少賺來食
有時陣落田作息　歸眠日攏毋驚拖磨
記智中　歸年迵天　毋管風颱落雨行到雙跤漉糊糜
或是
日頭赤炎炎曝到烏暗眩　伊e跤步一直真有聲

迄當陣　阮攏咧想　阿母e跤真利害　真正假偌一台自動車

時間假若紡車輪　阿母響時不敢喊聲e疼痛逗逗來
醫生說:
歲頭大骨頭老化　跤風攏會綴著走
現此時 阿母無拐袂行路　無滯輪椅袂出門

阿母啊阿母　阮知影汝歸工無出門　心頭真孤單
阮知影汝真愛佮較早仝款
四界去行踏阮會迭迭返去看汝　陪你開講
回想阮囡仔時代e代誌　陪你四界踅　叫醒汝 強強要放袂記e記智

[瓊寒]

版主安安安

修改e字內底　迭迭佮強強這幾字　　　
瓊寒想了真久 就是想袂起來
真是感恩　多謝版主

另外擱有一字
［上山落海檢柴箍樹椏 轉來燒 ］
這字燒字應該毋是這字
但是瓊寒寫袂出來

[5656]

瓊寒..
我懂你的意思
妳是要寫ㄒㄚˊ對不對

一時我也想不出適當的字
邀請大家ㄧ齊來動動腦^__^

[魚現]

瓊寒詞長 5656版主 安安
初次來貴寶地
共逐家問好！
我想
這字「燒」
是欲講
hiaN5/ㄏㄧㄚ5（鼻孔音）兮款？
「焚」、「燃」、「熊」
抑是------？
呣知是--無？

[瓊寒]

魚現 安安安安

歡迎新朋友魚現加入　
看魚現問安的稱謂應該常在古典詩詞文學網出現吧
沒錯　就是這個音
（hiaN5/ㄏㄧㄚ5（鼻孔音）兮款？ ）
但是
（「焚」、「燃」、「熊」）好像不太能表達出其台語原意呢

傷腦筋

[5656]

歡迎魚現！^__^

若以職三字看
是燃較合
但是瓊寒文中是做火柴用
可能寫木的橪毋知有較合麼？

[瓊寒]

感謝
了解哩