風颱天的心情

[常文]

風颱天的早起時
燒燒風 陣陣吹
烏雲相迮滿天飛
阿爸病院動手術
上班時 心思也飛去陪

風颱天的中晝時
天暗暗 風透透
心驚惶
阿爸病院拼輸贏

風颱天的下晡時
風呼呼叫 雨陣陣落
心肝頭結歸丸
六月十八王爺公生
外頭鑼鼓陣頭 鬧猜猜
繞境綵街唯遮來
誠心祈求王爺公逗保庇
阿爸平安無代誌 .....

風颱天的卜暗時
妹仔電話轉來通知
阿爸恢復人清醒
感謝眾神 感謝天
歡喜目屎含目墘.....

[5656]

祝福阿伯
早日康復

常文..
照顧阿伯
也愛照顧好家己喔