落葉

[火旺仔]

落葉

早著已經慣勢
這款的人生
毋管春夏秋冬
樹枝頂懸
同款是
風吹，日曬，雨淋

陪伴著
紅花，白蕊
不管伊是啥麼色彩
有誰等會到
溫暖春風
擱再吹來的時

用著最後一絲仔的喟力
聽鳥隻的歌聲
看青山飛雲
夕陽彩霞
等到冷風一陣
終其尾
亦是要倒佇塗跤底
納涼

毋免替阮傷悲
一切攏是
註定好的結局
佇阮
化入塵土了後
樹枝尾
自然會聽著
北風替阮超渡的聲音

[5656]

查甫人像火旺這感性
應該真少

人攏講查某人較會風花雪月
我感覺查甫人的深深感受
偌講會出來
或
寫會出來
攏真感動人

[張碧霞]

這歸工定定佇咧看
楓仔葉
按怎摇
按怎落

風哪來
就歡喜飄越遠
摇越久
輕輕摔落地
落地還會憨憨旋

時子到
無風也是落
直直
緊緊
摔

[5656]

火旺..
下期我編電子報的時
想要改按尼的編排↓敢好
因為較昧瘦瘦長長
先徵求你的同意

早著已經慣勢這款的人生
毋管春夏秋冬　 樹枝頂懸
同款是風吹，日曬，雨淋

陪伴著　紅花，白蕊
不管伊是啥麼色彩　有誰等會到
溫暖春風　擱再吹來的時

用著最後一絲仔的喟力
聽鳥隻的歌聲　看青山飛雲
夕陽彩霞　等到冷風一陣
終其尾　亦是要倒佇塗跤底　納涼

毋免替阮傷悲　一切攏是註定好的結局
佇阮　化入塵土了後　樹枝尾
自然會聽著　北風替阮超渡的聲音

[火旺仔]

阿計...可以...無問題