喜菡文學網

56阿計..阮來囉...
旺仔向各位前輩問安~~~


心花開

落佇透早一陣春雨
洗去暗瞑的鬱卒
抹紅了花蕊
叫醒了鳥隻
將大地
添了一片的涼爽

行出門口
大大吸一口喟
路邊的野花
相爭向阮駛目尾
樹枝頂的風
輕聲細說

天頂的雲是笑微微
沿路陪伴阮
三步行二部跳
踏著輕鬆的腳步
阮聽著
家己心中的聲
唱著彼首青春領

真歡喜見著火旺仔
歡迎你老朋友！

輕鬆的早起
有好的開始
歸工ㄧ定攏真順適

心花哪開項項嫷
路邊的人變花朵
還會唱歌來合對
目尾駛來像針威

三步二跳若鳥隻
跳咧跳咧眞痞掠
飛懸飛低成相對
忽前忽後顧命命

心涼脾土步步開
輕輕若雲笑微微
黑天暗地一目暱
目屎滾完笑嘻嘻