週四 5月 11, 2006 9:26 am
寫文章的心情
佇作品發表了後，親像一間厝用心起造落成彼種的歡喜。閣較上歡喜的，是有人看，有人看有，閣會曉欣賞。閣再上蓋大的歡喜，是有人提出意見，指出缺點或者好的所在。假使文章內底有一、兩句是作者上合意的，寫了上好的，有人看會出來，按呢是上盡磅的歡喜。對方才正港是知己，毋但是「粉絲」爾爾（而已）。
頂工，寫彼篇《公奠文》的時，結尾的時想欲對人生的生生死死做一個看法，想了真久，看著收藏的別人文章內底，作者提起唐朝錢起足有名的詩句：講人生如曲，「曲終人不見，江上數峰青」。伊閣講：「其實，人生並無消失去，人生所譜的曲調，也毋捌（不曾）終止過；船隻干礁（只是）行向另外一條水路。」以上是用台文譯寫，原文是華文：「其實，人生並沒有過去，人生所譜的曲子，也未曾終止；船兒只是航入了另一程的水域。」
這個啟示，我才落筆寫了「人生親像一齣戲，戲總會搬完備，戲煞人散去，干礁留囥戲台空虛虛。其實，戲齣猶原閣佇別位咧公演，演員會換，觀眾變無仝（不同）爾。」雖然是有「抄襲」的嫌疑，家己嘛有淡薄仔滿意。
文內為何無欲用「祭文」，煞用「奠文」，參社會慣習的講法無仝，是有學者講：亡者佇猶未出殯以前叫做「奠」，無叫做「祭」。
佇作品發表了後，親像一間厝用心起造落成彼種的歡喜。閣較上歡喜的，是有人看，有人看有，閣會曉欣賞。閣再上蓋大的歡喜，是有人提出意見，指出缺點或者好的所在。假使文章內底有一、兩句是作者上合意的，寫了上好的，有人看會出來，按呢是上盡磅的歡喜。對方才正港是知己，毋但是「粉絲」爾爾（而已）。
頂工，寫彼篇《公奠文》的時，結尾的時想欲對人生的生生死死做一個看法，想了真久，看著收藏的別人文章內底，作者提起唐朝錢起足有名的詩句：講人生如曲，「曲終人不見，江上數峰青」。伊閣講：「其實，人生並無消失去，人生所譜的曲調，也毋捌（不曾）終止過；船隻干礁（只是）行向另外一條水路。」以上是用台文譯寫，原文是華文：「其實，人生並沒有過去，人生所譜的曲子，也未曾終止；船兒只是航入了另一程的水域。」
這個啟示，我才落筆寫了「人生親像一齣戲，戲總會搬完備，戲煞人散去，干礁留囥戲台空虛虛。其實，戲齣猶原閣佇別位咧公演，演員會換，觀眾變無仝（不同）爾。」雖然是有「抄襲」的嫌疑，家己嘛有淡薄仔滿意。
文內為何無欲用「祭文」，煞用「奠文」，參社會慣習的講法無仝，是有學者講：亡者佇猶未出殯以前叫做「奠」，無叫做「祭」。