週三 6月 21, 2006 11:47 am
久無看著翠苓的作品，煞有親像失戀的感覺。
望梅止渴，想著囡仔時代生活困苦，毋但無鮮魚仔通配，
清飯攪豆油，目睭配的是吊佇壁頂鹹魚鮭準拄數。無魚蝦
嘛好，昨暝無意中揣著翠苓一篇早期舊作，伊咧閉關，閣
一月日就出關啊，毋敢攪吵，真歹勢我有小可仔改幾字，
用來掛佇網站，三不五時看看來止一下仔相思苦，就像目
睭配吊佇壁頂鹹魚鮭來止饑．．．／許居士
誰是殺手 作者／翠苓
佇上班路裡，甘蔗園邊青紅燈跤，一欉一欉刺夯夯的
赤查某仔，不時就想欲綴過路人四界去佚陶。
一欉仔一欉覕佇一爿的見笑草仔，驚見笑毋敢綴人行
，祕思祕思頭揕揕（tim3），總是愛等到創治伊的人
行遠矣，伊才逗逗仔共頭舉起來，微微仔展開燦爛的
笑容。
怹是底時花開，怹底時花謝，我無注意，我干礁知影
逐擺佇六十秒短短的紅燈，無聊咧等候的時，伊會當
陪伴我佮每一個予紅燈擋落來的人。
我叫是赤查某仔、見笑草佮伊的親情朋友野花、野草
，會永遠快樂自由蹛佇彼片甘蔗園。昨日閣對遐過，
遠遠看著一撮一撮的紅旗仔佮一台一台的遊覽車，佇
甘蔗園頂懸塊踳踏，喙內「當選！當選！」喝未煞。
今旦日透早，經過彼個青紅燈跤，我假若聽著亦未乾
的點仔膠土跤兜，佇下面的赤查某仔佮見笑草仔佇咧
哮。我輕聲細說共怹講：青色毋是汝的原罪，選舉閣
較毋是殺手，人的「宰制自然」才是元兇，請恁甭失
志，堅強活落去，早日湓出來見天見地，來看世間的
真情義理佮美麗！2003/12/29
註：跤：腳。刺夯夯：刺喇喇的。赤查某仔：咸豐草、鬼針草。
綴：跟隨。佚陶：玩耍。覕：躲。一爿：一邊。見笑草：含羞草。
祕思：害羞狀。頭揕揕：頭低低的。創治：捉弄。逗逗仔：慢慢的。
干礁：只是。怹：他們。底時：何時。叫是：以為。親情：親戚。
遐：那邊。踳踏：踐踏。假若：好像。青色：綠色。湓：鑽出來。
望梅止渴，想著囡仔時代生活困苦，毋但無鮮魚仔通配，
清飯攪豆油，目睭配的是吊佇壁頂鹹魚鮭準拄數。無魚蝦
嘛好，昨暝無意中揣著翠苓一篇早期舊作，伊咧閉關，閣
一月日就出關啊，毋敢攪吵，真歹勢我有小可仔改幾字，
用來掛佇網站，三不五時看看來止一下仔相思苦，就像目
睭配吊佇壁頂鹹魚鮭來止饑．．．／許居士
誰是殺手 作者／翠苓
佇上班路裡，甘蔗園邊青紅燈跤，一欉一欉刺夯夯的
赤查某仔，不時就想欲綴過路人四界去佚陶。
一欉仔一欉覕佇一爿的見笑草仔，驚見笑毋敢綴人行
，祕思祕思頭揕揕（tim3），總是愛等到創治伊的人
行遠矣，伊才逗逗仔共頭舉起來，微微仔展開燦爛的
笑容。
怹是底時花開，怹底時花謝，我無注意，我干礁知影
逐擺佇六十秒短短的紅燈，無聊咧等候的時，伊會當
陪伴我佮每一個予紅燈擋落來的人。
我叫是赤查某仔、見笑草佮伊的親情朋友野花、野草
，會永遠快樂自由蹛佇彼片甘蔗園。昨日閣對遐過，
遠遠看著一撮一撮的紅旗仔佮一台一台的遊覽車，佇
甘蔗園頂懸塊踳踏，喙內「當選！當選！」喝未煞。
今旦日透早，經過彼個青紅燈跤，我假若聽著亦未乾
的點仔膠土跤兜，佇下面的赤查某仔佮見笑草仔佇咧
哮。我輕聲細說共怹講：青色毋是汝的原罪，選舉閣
較毋是殺手，人的「宰制自然」才是元兇，請恁甭失
志，堅強活落去，早日湓出來見天見地，來看世間的
真情義理佮美麗！2003/12/29
註：跤：腳。刺夯夯：刺喇喇的。赤查某仔：咸豐草、鬼針草。
綴：跟隨。佚陶：玩耍。覕：躲。一爿：一邊。見笑草：含羞草。
祕思：害羞狀。頭揕揕：頭低低的。創治：捉弄。逗逗仔：慢慢的。
干礁：只是。怹：他們。底時：何時。叫是：以為。親情：親戚。
遐：那邊。踳踏：踐踏。假若：好像。青色：綠色。湓：鑽出來。
