喜菡文學網

姑仔來

　　會曉做的，小姑做大家款。袂曉做的小姑，無通食。
　　嫂仔嫁來，姑仔靠勢欺侮伊，等到姑仔嫁，父母嘛過身，一工小
姑予伊的小姑欺侮，氣著走轉來投外家阿兄，兄哥拄好無佇厝，嫂仔
一看機會來，就報田螺寃，煮一坩清清清的蕃薯簽糜請小姑，喙講歹
勢唸．．．．．．

姑仔汝來
嫂仔都毋知。
今年田無做、冬無收，
飯籬吊韆鞦，
鼎蓋水裡泅，
卜食蚶（kap4），蚶厚塗，
卜買肉，拄着人禁屠，
卜買菜，拄着掘菜股，
卜買魚，拄着風颱雨，
卜買豆腐，豆腐咧生菰，
卜買豆簽，豆簽爛糊々。

姑仔姑仔！今年上艱苦，
蕃薯簽糜、罔來罟（ㄍㄛ撈），
食未落去、配菜脯，
聽候天公有補所，
予恁兄哥收成一千箍、
刣猪屠羊來相補。
予姑仔汝食加牙仔齴齴（兀ㄧㄤ！），舌吐吐。

註：即段唸詞是鳳山老高採集的，相當樸實地反映農村凋弊的情境（
刊載佇昭和6年3月7日台灣新民報354期），故事是口傳的。

韭菜蔥，十二欉，桃花枝，榴花紅。
世間事，萬百項，父母生阮不成人。
大的嫁唐山，二的嫁北斗，
三的嫁福州，四的嫁海口。
大的轉來百馬褂金鞍，
二的來轉金雨傘。
三的來轉金交椅，四的轉來‧‧‧
嗟半死。
嗟什代？嗟什代？
嗟阮一日走袂來，
二日走甲‧‧‧
苦哀哀，三日才到阮厝內。
父看見，放工契，笑微微，
母看見，目屎流，目屎滴。
兄看見，額椅半路接，
嫂看見，頭就攲，嘴就抿。。
嫂 阿嫂，嫂 阿嫂，
頭免攲，喙免抿。
阮食爸 食母 是 應該，
不是食汝阿嫂甲嫁來

鹿港古民謠 年代久遠 毋知作者…

---------------------------------------

阿嫂小姑各自心聲
巧對應........
哈
居士
甭見怪......