圖檔


【落雨天講露螺】

　　落過雨的透早，高雄大社觀音山的草仔抑是樹仔攏非常青翠，露螺上愛這種澹澹濕濕的草埔
佮土跤，連樹仔著爬；露螺因為叫露螺，可能也因為置有露水的時陣出現，日頭出來露水焦就無
看著吧。

　　置三四十冬前台灣真濟農家主婦、囝子靠抾露螺賣錢補貼厝內所用，所以置每一擺落雨了後
，攏會看著真濟郎摜籃子、提布袋四界抾露螺；彼當時有生意郎專門來收買露螺應付餐廳的需求
。最近這幾年露螺已經有專門飼養場，所以已無郎來收買露螺，亦無郎抾露螺去賣。

　　露螺毋只是做法國料理，台灣郎亦真愛吃炒露螺肉。露螺肉處理的過程「清洗」上困難，菜
市仔賣的露螺肉又擔心廠商毋知是用啥物來洗？有殘留毒的成分吃了會按哪麼？而炒露螺肉欲好
吃「炒」是真功夫，雖然逐家攏知悉愛炒蒜頭九層塔，但是炒的功力毋是家家戶戶攏會的。

　　真久沒聽著有郎咧唱：一盤炒螺仔肉　兩三罐米酒　逐家來拼酒　醉的是頇頭 ……