古早味

[5656]

2011-02-24

　　時代咧變，現代少年郎所吃的早餐我參阮尪婿就是吃眛慣適，透早我猶原起來煮糜
，雖然講用電鍋煮真簡單，但是米參水的比例才是學問；閣來就是物配，有時開罐頭當
然真方便，但是難免會想欲配古早式的物配。

　　記得十幾歲的時，透早聽著賣醬菜的搖鈴啊聲，才捧一塊盤阿出來買醬菜返去配縻
，醬菜車內賣醬瓜、豆乳、筍乾、菜脯、真濟項，一種用大粒花豆煮到甜甜爛爛予阮上
懷念。前幾冬三不五時還有看見郎咧賣，這兩冬就較無看，阮為著參尪婿攏愛配就買一
斤花豆返來試煮。

　　我先浸一寡花豆，差不多浸半工才洗洗參水用電鍋煮，共煮三遍才將花豆煮到爛（
真奇怪喔，煮爛的花豆攏失去了花紋），然後趁燒倒入二砂糖拌拌咧囥予入味，就完成
這味思思念念的古早味。


　　　　　　↓這是閤較早期的醬菜擔，真辛苦擔咧四界賣。