2007-11-29

　　入冬以來高雄頭一次變冷，厚衫攏還收置衫櫥的上內底面，無時間去
管因為囥久所引起的繚紋，趕緊穿起來抵擋冰冷的氣溫。

　　先是溼溼的天氣後來變好天，雖是好天抑毋敢屈置厝內面，因為愈屈
會愈寒。

　　偫置高雄三十外冬，早已經慣適寒無幾工的冬天；記智細漢的時寒天
攏真寒，是因為故鄉彰化的氣溫較低，還是大自然直咧變，阮嘛毋知悉。

　　雖然講氣溫低會寒、衫穿濟行動較無方便，但是總是愛會寒才有過冬
的感覺。
　
用字註解：收置衫櫥→收在衣櫥　囥久→放久　
抑毋敢→也不敢　偫置→住在
　　　　　慣適寒無幾工→習慣冷沒幾天　
記智→記得　毋知悉→不知道　濟→多
圖檔