2007-05-20　

　　半暝就開始落雨，到中晝雨陣大大細細攏無停過，偏偏中晝後又停電。
　
　　未堪持室內的燜溽，夯一隻椅子、揀ㄧ本冊，坐置沿簷跤享受自然風涼……唏唏颯颯的雨聲，冊內底的字一字一字親相互雨水流去，攏無入頭殼內，反倒是浮出ㄧ個遙遠熟悉的身影，夯一支褪色的雨傘，一條街行過一條街；彼是阮十五歲溽天一個落雨的下埔，未記智當時咧想什物，只記智當時的家己真愛雨中散步，有一種佮心境仝款悲涼的感覺。......已經規十年來無閣做按尼的載誌，毋是因為年歲、毋是因為酸雨，是因為心中有愛，不再有漂浪無根的感覺 。

　　將冊閤起來，突然間ㄧ陣的毋甘，為彼個少年時代的家己心疼……電還未來，雨還咧落…
連結讀音網頁
圖檔