週六 4月 15, 2006 9:46 pm
無方便才三點鐘
彼一工拜五欲暗仔，我坐火車欲去台北。
抵著連紲歇兩工，真濟人攏趕欲轉去，車廂底人塞塞淀。佳哉
我事先買有車票，對號請佔位的學生囡仔讓位。共時間一對三
十外歲的翁仔某嘛上車，怹太太有身腹肚大大大，行路不止仔
辛苦。我對面排靠窗仔是坐著一個托枴仔的小姐，邊仔是學生
囡仔。
扶插太太的查甫人共太太講：「汝的位佇這，來，坐！」當其
時學生囡仔耳空真利一聽，著就隨起來讓位，彼個托枴仔的小
姐看著有人來嘛跁（爬）起來，彼個查甫人趕緊講：「免起來
，彼位毋是我的！」有身的太太目睭金金相怹翁，煞怢一下仔
久，怹翁使一個目色，怹某燦爛的笑容像春天抵開的花蕊媠媠
媠。伊用手將怹翁的腰攬咧，身軀靠倚去，怹翁用手輕輕仔摸
著太太的頭鬃，啊！有夠恩愛的，有夠感動的！
一路彼個查甫人誠體貼，太太嘛足體貼，太太幾仔擺讓位欲予
怹翁坐，怹翁攏講：「我靠咧椅仔邊就未悿啊！」兩人目睭牽
電線，攬來攬去，予我這個庄跤老古板看甲面仔燒燙燙。我一
直注意彼個托枴仔的小姐的表情，若見有人上車揳到邊仔，著
準備欲起來讓人坐。到了桃園才落車，彼個太太人真好，叫恁
翁幫伊摜行李落車，車頂徛票的人較少嘍！
怹翁倒轉來，兩人一坐做伙，怹某就真熱情共怹翁攬咧，當場
電火光映映、人赫濟，兩人無禁無忌煞佇遐唚過來唚過去，予
我看甲心臟強欲跳出來，趕緊共目睭佮嗶噗跳的心肝收轉來，
喙念阿彌陀佛！阿彌陀佛！
閣一下久，聽著怹某講：「予汝徛嚇久，跤骨足酸嚄？」
怹翁講：「未啦！」
怹某問伊：「啊汝就有位好坐，那欲讓人。」
怹翁講：「阮同事幾仔個嘛是舉枴的，我會當體會怹行踏足辛
苦。」
怹某講：「三點外鐘，足久呢！汝嘛會使請伊起來，換汝坐一
睏仔，兩人輪流坐啊？」
怹翁回伊的話講：「唉！人伊無方便是一世人，咱無方便嘛才
三點鐘爾，無要緊啦！」
怹某閣講：「汝那無欲明講位欲讓伊，予伊若看人上車行倚來
，就想緊張欲起來，掠準是人欲來討位！」
怹翁講：「人伊嘛有自尊心，我若是讓伊坐，我徛咧這，伊敢
閣坐會安穩！」
怹某講：「啊！我嫁著一個足有愛心的人，好心猶閣毋夆知，
我發覺世間足溫暖的，我足幸福的！」怹某摸著圓圓圓大腹肚
閣講：「阿弟，汝爸爸是好人咧，汝愛學伊喔！」
哇 ！怹兩人閣欲種草莓啊，我毋敢看！
註：塞塞淀：四處充塞。
種草莓：新新人類火星話，著是「相唚」。
彼一工拜五欲暗仔，我坐火車欲去台北。
抵著連紲歇兩工，真濟人攏趕欲轉去，車廂底人塞塞淀。佳哉
我事先買有車票，對號請佔位的學生囡仔讓位。共時間一對三
十外歲的翁仔某嘛上車，怹太太有身腹肚大大大，行路不止仔
辛苦。我對面排靠窗仔是坐著一個托枴仔的小姐，邊仔是學生
囡仔。
扶插太太的查甫人共太太講：「汝的位佇這，來，坐！」當其
時學生囡仔耳空真利一聽，著就隨起來讓位，彼個托枴仔的小
姐看著有人來嘛跁（爬）起來，彼個查甫人趕緊講：「免起來
，彼位毋是我的！」有身的太太目睭金金相怹翁，煞怢一下仔
久，怹翁使一個目色，怹某燦爛的笑容像春天抵開的花蕊媠媠
媠。伊用手將怹翁的腰攬咧，身軀靠倚去，怹翁用手輕輕仔摸
著太太的頭鬃，啊！有夠恩愛的，有夠感動的！
一路彼個查甫人誠體貼，太太嘛足體貼，太太幾仔擺讓位欲予
怹翁坐，怹翁攏講：「我靠咧椅仔邊就未悿啊！」兩人目睭牽
電線，攬來攬去，予我這個庄跤老古板看甲面仔燒燙燙。我一
直注意彼個托枴仔的小姐的表情，若見有人上車揳到邊仔，著
準備欲起來讓人坐。到了桃園才落車，彼個太太人真好，叫恁
翁幫伊摜行李落車，車頂徛票的人較少嘍！
怹翁倒轉來，兩人一坐做伙，怹某就真熱情共怹翁攬咧，當場
電火光映映、人赫濟，兩人無禁無忌煞佇遐唚過來唚過去，予
我看甲心臟強欲跳出來，趕緊共目睭佮嗶噗跳的心肝收轉來，
喙念阿彌陀佛！阿彌陀佛！
閣一下久，聽著怹某講：「予汝徛嚇久，跤骨足酸嚄？」
怹翁講：「未啦！」
怹某問伊：「啊汝就有位好坐，那欲讓人。」
怹翁講：「阮同事幾仔個嘛是舉枴的，我會當體會怹行踏足辛
苦。」
怹某講：「三點外鐘，足久呢！汝嘛會使請伊起來，換汝坐一
睏仔，兩人輪流坐啊？」
怹翁回伊的話講：「唉！人伊無方便是一世人，咱無方便嘛才
三點鐘爾，無要緊啦！」
怹某閣講：「汝那無欲明講位欲讓伊，予伊若看人上車行倚來
，就想緊張欲起來，掠準是人欲來討位！」
怹翁講：「人伊嘛有自尊心，我若是讓伊坐，我徛咧這，伊敢
閣坐會安穩！」
怹某講：「啊！我嫁著一個足有愛心的人，好心猶閣毋夆知，
我發覺世間足溫暖的，我足幸福的！」怹某摸著圓圓圓大腹肚
閣講：「阿弟，汝爸爸是好人咧，汝愛學伊喔！」
哇 ！怹兩人閣欲種草莓啊，我毋敢看！
註：塞塞淀：四處充塞。
種草莓：新新人類火星話，著是「相唚」。
