快樂寄天星

[簡明]

將快樂兮向望　寄踮月娘邊仔彼粒　最光兮天星
子時　安靜兮時陣提出來溫習
自細漢　母親就愛阮未當放未記兮堅持
母親阿！阮一直記智汝用心兮教示
但，人生為何食苦濟過糖甘甜？

毋願予汝看阮眉頭結結心哀悲
只好，將快樂兮向望
寄踮月娘邊仔彼粒　最光兮天星
每一個安靜兮暗暝看見快樂就　想著汝

有一日，阮會揣著安頓快樂兮所在
遐　有悲傷、有煩惱亦　有夢想、有快樂
彼時，就互天星自由吧！
化作一道流星　劃過月娘身邊
尾翼美麗兮閃鑠，就是阮對汝
快樂咧喝采

[5656]

簡明..我改一點點，請你看有合你的原意麼？

將　快樂願望　寄月娘身邊　彼粒上光兮天星
子時　安靜兮時陣　提出來複習

自細漢　母親就愛阮未當放未記兮堅持
母親阿！阮一直記智汝用心兮教示
但　人生為何總是苦濟過甘甜？

毋願汝看阮　眉頭結結心哀悲
只好　將快樂願望寄汝身邊彼粒　上光兮天星
每一個安靜兮暗暝　看著快樂　就　看著汝

有一日　阮會找到安頓快樂兮所在
遐　有悲傷　有煩惱　有夢想　亦　有快樂
彼時　就互天星自由吧！
化作流星　劃過月娘身邊
後壁　美麗兮閃鑠　就是阮對汝
快樂兮嘩聲

[簡明]

謝謝56姐兮指教。^^～

[許居士]

阮將快樂的向望　
寄踮月娘邊仔彼粒上光的星
子時夜靜 將伊提來溫習
自細漢　阿母教阮堅持
阮一直謹記在心 毋過
阿母啊！
人生為何食苦濟過糖甘甜？

毋願予汝看阮目頭結結心傷悲
只好，將阮快樂的向望　
寄踮月娘邊仔彼粒上光的星
寂靜的暗暝 若看著汝 阮就足歡喜
若是足歡喜的時 阮就想著汝

有一工，阮會揣著安頓快樂的所在
遐　有傷悲、有煩惱
嘛有嫷嫷春風的美夢
彼時，就互天星自由飛吧
化作一道流星　劃過月娘身邊
尾翼的閃鑠
是阮對汝快樂的喝彩

[簡明]

多謝許前輩的指教。^^～