週一 5月 08, 2006 11:51 pm
參加奠禮了後的回想
下晡參加過身同事庄跤的奠禮，電子琴參西樂團咧奏樂，女歌手唱著台語歌詩「心酸酸」，使人心酸強欲碎。奠禮按照固定的規律進行，不三時仔插雜著鬥跤手的人大大聲的講話，我目頭結結，印象中佇室外舉行的奠禮大多數是亂操操。
佳哉時間是下晝四點，天氣已經較無赫熱，若無呢，紅日赤日頭布篷跤是若烘爐。心內一直有一個感想，奠禮搭布篷較按怎佈置就是未莊嚴，世俗的儀式嘛看真未合意。
每改去參加公奠，上香、獻花、獻果、行鞠躬禮，免一分鐘，一群人挨挨陣陣去，連鞭人走甲空空空，感覺是咧應酬。
因為學佛閣學著臨終關懷，才去幫贊蓮友的喪儀，我是揀對象，無想欲搶專業葬儀的生利，而且無收紅包。插幾何年，嘛未愛插矣！
真真是好朋友，一年才插一半擺。一方面是發覺喪家的心態無夠虔誠參用心，一方面葬儀社愈來愈進步，一手包辦，免予家屬操勞。
我對喪儀無想欲插，是有幾項代誌的刺激，頭腦小激一下較未予無頭神去（老人癡呆症我毋甘按呢講，我攏講無頭神）。
家屬誠心無夠，欲聽別人的，毋接收我特別的交代。像我足堅持家奠（家奠不比早暗捧飯佮做七，最後一頓送別，愛僎較豐沛咧）的六項敬菜，未使用細個食飯碗貯，愛用大盤仔貯，才成敬意，而且敬菜一定愛煮燒燒閣有調味芳芳。看真濟是用冷吱吱對冰箱提出來的，有
的閣是鮮（chenn 生）的，換做欲請汝，汝敢欲食？
奠禮，上重要是意義是追思、祝福。開一、二十萬的式場，主家歡喜車夯（舖張）我會尊重，毋過若無奠文、無生平紹介的追思讚頌，我絕對毋肯擔任奠禮司儀。定定愛家屬寫奠文、寫生平，真濟人攏寫無路來，我就去訪問家屬，真濟家屬閣講無路來，真是氣死人！
有一擺真感嘆，想著一個人別世，家屬煞講未出來伊的好，決心家己生平寫予好，免得我的奠禮人講甲無形我！
插喪禮，起初誠愛請埔里的國樂，認為真有夠水準，尢其是伊會演奏真濟佛曲，毋拘費用真濟，予喪家加了一筆大開銷，想想咧嘛無真妥當。閣看人的奠禮，奏的樂曲真濟是未合意，想講敢未使先選便我家己奠禮欲放的音樂，我就認真選了幾首ＣＤ的樂曲編集做一塊，我
是按呢編排：序曲用寒山僧蹤，孝眷拜奠上香、獻花、獻果、獻食的時用「香華獻供」，讀祭文致哀章的時用「黃昏的故鄉（挨絃）」、「望你早歸」，親戚拜奠用彌陀讚，故人行誼及追思用「搖囝歌」、「雨夜花」或「楓橋夜泊」，來賓拈香用「送別」、「憶兒時」或「阿彌陀佛佛號」，後來嘛提來別人的奠禮使用過，干礁請人來放音響，效果經濟閣實惠。（待續）
下晡參加過身同事庄跤的奠禮，電子琴參西樂團咧奏樂，女歌手唱著台語歌詩「心酸酸」，使人心酸強欲碎。奠禮按照固定的規律進行，不三時仔插雜著鬥跤手的人大大聲的講話，我目頭結結，印象中佇室外舉行的奠禮大多數是亂操操。
佳哉時間是下晝四點，天氣已經較無赫熱，若無呢，紅日赤日頭布篷跤是若烘爐。心內一直有一個感想，奠禮搭布篷較按怎佈置就是未莊嚴，世俗的儀式嘛看真未合意。
每改去參加公奠，上香、獻花、獻果、行鞠躬禮，免一分鐘，一群人挨挨陣陣去，連鞭人走甲空空空，感覺是咧應酬。
因為學佛閣學著臨終關懷，才去幫贊蓮友的喪儀，我是揀對象，無想欲搶專業葬儀的生利，而且無收紅包。插幾何年，嘛未愛插矣！
真真是好朋友，一年才插一半擺。一方面是發覺喪家的心態無夠虔誠參用心，一方面葬儀社愈來愈進步，一手包辦，免予家屬操勞。
我對喪儀無想欲插，是有幾項代誌的刺激，頭腦小激一下較未予無頭神去（老人癡呆症我毋甘按呢講，我攏講無頭神）。
家屬誠心無夠，欲聽別人的，毋接收我特別的交代。像我足堅持家奠（家奠不比早暗捧飯佮做七，最後一頓送別，愛僎較豐沛咧）的六項敬菜，未使用細個食飯碗貯，愛用大盤仔貯，才成敬意，而且敬菜一定愛煮燒燒閣有調味芳芳。看真濟是用冷吱吱對冰箱提出來的，有
的閣是鮮（chenn 生）的，換做欲請汝，汝敢欲食？
奠禮，上重要是意義是追思、祝福。開一、二十萬的式場，主家歡喜車夯（舖張）我會尊重，毋過若無奠文、無生平紹介的追思讚頌，我絕對毋肯擔任奠禮司儀。定定愛家屬寫奠文、寫生平，真濟人攏寫無路來，我就去訪問家屬，真濟家屬閣講無路來，真是氣死人！
有一擺真感嘆，想著一個人別世，家屬煞講未出來伊的好，決心家己生平寫予好，免得我的奠禮人講甲無形我！
插喪禮，起初誠愛請埔里的國樂，認為真有夠水準，尢其是伊會演奏真濟佛曲，毋拘費用真濟，予喪家加了一筆大開銷，想想咧嘛無真妥當。閣看人的奠禮，奏的樂曲真濟是未合意，想講敢未使先選便我家己奠禮欲放的音樂，我就認真選了幾首ＣＤ的樂曲編集做一塊，我
是按呢編排：序曲用寒山僧蹤，孝眷拜奠上香、獻花、獻果、獻食的時用「香華獻供」，讀祭文致哀章的時用「黃昏的故鄉（挨絃）」、「望你早歸」，親戚拜奠用彌陀讚，故人行誼及追思用「搖囝歌」、「雨夜花」或「楓橋夜泊」，來賓拈香用「送別」、「憶兒時」或「阿彌陀佛佛號」，後來嘛提來別人的奠禮使用過，干礁請人來放音響，效果經濟閣實惠。（待續）
