週二 2月 22, 2011 12:31 am
約會 / 王羅蜜多
逐時，阮若約佇山頂，我就會車歸瞑，未到天光緊出門。逐屆，伊攏遲到，等甲拍潽仔光，佮一隻鳥仔慢慢仔出現。毋擱我未受氣，因為伊是我的老師。
橋頭，我的老師，時常教我欣賞雲彩的厚度，樹影的長度，日頭的角度，彼時陣，肩頭彼隻鳥仔就發出啾啾聲，伊講，大自然是咱的寶貝，上婿的愛人。
約會，交換心事親像傳送機密的情報，只有鳥仔佮樹仔知影。伊的愛情，我的心情，攏總寫佇雲頂，呼風載去。日頭愈來愈光，阮的心肝也愈來愈清。
今仔日，我擱來山頂，伊一直沒出現，只有鳥仔踏佇土堆頂頭，單腳，向我ia’t手。未擱出現囉，伊佇崩山彼一日就離開了，去一個無名字的所在。有一暫，我時常來找伊失落的目鏡，即ma我一直感覺，伊支目鏡就掛佇我的目睭前。
註︰讀周夢蝶＜約會＞，念李老師逝世周年。
ia’t手︰招手
毋擱：不過
即ma：現在
逐時，阮若約佇山頂，我就會車歸瞑，未到天光緊出門。逐屆，伊攏遲到，等甲拍潽仔光，佮一隻鳥仔慢慢仔出現。毋擱我未受氣，因為伊是我的老師。
橋頭，我的老師，時常教我欣賞雲彩的厚度，樹影的長度，日頭的角度，彼時陣，肩頭彼隻鳥仔就發出啾啾聲，伊講，大自然是咱的寶貝，上婿的愛人。
約會，交換心事親像傳送機密的情報，只有鳥仔佮樹仔知影。伊的愛情，我的心情，攏總寫佇雲頂，呼風載去。日頭愈來愈光，阮的心肝也愈來愈清。
今仔日，我擱來山頂，伊一直沒出現，只有鳥仔踏佇土堆頂頭，單腳，向我ia’t手。未擱出現囉，伊佇崩山彼一日就離開了，去一個無名字的所在。有一暫，我時常來找伊失落的目鏡，即ma我一直感覺，伊支目鏡就掛佇我的目睭前。
註︰讀周夢蝶＜約會＞，念李老師逝世周年。
ia’t手︰招手
毋擱：不過
即ma：現在
