槍聲若響

[黑癮者]

趴咧趴咧趕緊趴咧
現今社會霧霧花花
黑的白的摻摻作夥
隨時有人變面拼血
聽說槍籽的目珠生置掃帚尾
誰人會比你擱卡衰？

普普的飄移江湖路
自關老爺的將軍府
殺到渾沌六親不認
錢聲鏘鏘的輸贏注
摺仔噴仔拔仔攏總傳來作工
浸酒的膽色是日頭燒火的紅

趴咧趴咧趕緊趕緊趴咧
這灘濁水千萬著不通淌
父老子幼甭爭一時春秋
怨氣落肚當作煉丹的爐
官府兩片王祿仔嘴講天話地
道德經置壁頂王法弄置嘴縫

細漢大尾察頭甲匪首
趴咧大家都免擱驚惶
廟埕巡狩四方的王爺
受八面朝拜上馬起駕
法語普降的教示咁也有人聽
錢是四腳獸強求人是一身愁

趴咧趴咧趕緊趴咧
謝天謝地謝歸家伙
槍聲哪響的彼時陣
冬尾平安戲的鑼鼓正嘟嘟好
置國泰民安的佈景前響天起

[竹板凳]

節奏感很好的河洛詩。充分表達了對社會的無奈與無力感

[黑癮者]

謝竹板凳大人

台語文字的美
總因隔閡而太難調理
只能玩玩節奏與音韻
尚需努力

癮者