「界線」
　　　　　　
惦惦看著汝睏去兮面，目瞅紅紅嘛攏無發現
對汝那是無愛兮牽連，是安怎阮會陷落情淵
汝咱以往兮點點滴滴，深深收藏佇阮心肝底
蔔安怎踏過這條界線，才會當陪汝世世生生

逐工攏想蔔看汝一面，比普通朋友有較特別
阮若是將目瞅放瞌瞌，汝兮形影就一直出現
足想要對汝吐露真情，講出藏罝心內兮誓言
咱是毋是永遠捌見面，阮驚睏醒想汝幾偌遍

卡輸阮兮愛未當實現，就予阮陪惦汝兮身邊
就算未當佮汝成雙對，幹礁做朋友嘛真甘甜

創作筆記： 這是阮佇網路上，看著一篇國語兮文章，一時足感動，才將伊改寫作台語版兮作品。當然，意思佮原作，已經完全無共款囉！毋閣，阮猶原將伊號作「界線」，並記錄這段寫作兮經過。

5656 寫:請問..
今年潤七月
毋知敢愛拜兩擺

阮媽媽講，第一擺照起工，拜卡工夫咧。
第二擺就拜一寡便菜飯，毋免擱做粿、縛粽。
阮毋捌去注意遮兮代誌。真歹勢

發表於: 星期四 七月 13, 2006 10:07 am 文章主題: 慶讚中元 慶讚中元　　 七月時陣鬼門開， 家家門口詮飯菜， 僎 好兄弟攏請來拜， 普度眾生望消災。 請水鬼用水燈排， 三牲酒醴真豐沛， 拜了水燈放落海， 流愈遠愈好頭彩。 愈流愈遠好頭彩 一種活動足精采， 即種、這種 要提祭品愛比賽， 欲提、卜提 提的正字是摕 選手相爭爬上台， 號作搶孤真實在。 七爺八爺巡東西， 甲討孤餅不是嚵， 饞 吃了平安人人愛， 食 民俗紹介逐家知。 用字各人有無仝..提供參考 非常感謝居士指導，汝講「用字各人有無仝」，是焉爾無毋對，毋擱，這是阮當初兮寫法，即碼，阮一直學習，即知影卜安怎寫才對。 ...

5656 寫:珋佚..
娛樂娛樂....讓我陷入思念好友的思潮裡
…
他暱稱叫時會中

時會中是個醫生
網路上他叫我御樂姐
而這位醫生並沒照顧好自己的身子
因病去世ㄧ年多......

啊！抱歉，無端引起姊姊的愁思；失禮多多！
人生真是無常，因此，師父說要
「把握當下，知緣惜福」真是一點沒錯。
彼此保重。

慶讚中元　　
七月時陣鬼門開，
家家門口詮飯菜，
好兄弟攏請來拜，
普度眾生望消災。
請水鬼用水燈排，
三牲酒醴真豐沛，
拜了水燈放落海，
流愈遠愈好頭彩。
一種活動足精采，
要提祭品愛比賽，
選手相爭爬上台，
號作搶孤真實在。
七爺八爺巡東西，
甲討孤餅不是嚵，
吃了平安人人愛，
民俗紹介逐家知。

註： 這是初學時的舊作 ，毋捌發表過，請前輩老師指導。

無方便才三點鐘 共時間一對三十外歲的翁仔某嘛上車，怹太太有身腹肚大大大， 行路不止仔辛苦。我對面排靠窗仔是坐著一個托枴仔的小姐，邊 仔是學生囡仔。 …… 怹某講：「三點外鐘，足久呢！汝嘛會使請伊起來，換汝坐一 睏仔，兩人輪流坐啊？」 怹翁回伊的話講：「唉！人伊無方便是一世人，咱無方便嘛才 三點鐘爾，無要緊啦！」 許居士汝好： 當我看到這一對翁某兮對話時，一時間熱淚盈眶，因為我嘛是托枴仔。 當怹翁閣講 ：「阮同事幾仔個嘛是舉枴的，我會當體會怹行踏足辛苦。」 我兮目屎又閣流落來，這時陣有學生來到阮面前卜問代誌，阮煞毋敢抬頭 看伊，面掩一半佮怹應答。 　　世間兮人有好也有歹，這種人是殘障人士兮「貴...

5656 寫:珋佚寫台語文應該有一段時間
用字真值得阮學習

5656姊，汝兮名，阮攏想做是「娛樂娛樂」，這個名，號了真有想像兮空間。
真歹勢，阮寫台語文並無真久，攏是甲詩友以及網上的先輩學兮，阮活動兮範圍，以早是佇傳統詩壇，所以未曉寫新詩。
這碧霞姊寫卡好、學卡濟。以後，央望娛樂姊多多牽教。感謝。

十外冬前，阮佇實習銀行
指導學生，銀行卜結束時
查查咧，欠三百幾萬
每一個頂司攏誤會阮
攏講錢是阮偷拿兮
彼時陣，逐工查甲三更半暝
迭迭無食佮無歇
無人卜相信阮無做
阿姊是會計主任 甲伊兮助理員
調出卡早的資料 給阮鬥查
才知代誌毋是阮做兮
伊去甲校長報告佮保證
嘛抓著真正兮兇手 叫伊賠
就焉爾 還阮兮清白
阮才會當避過無情的打擊
欠阿姐這個人情
永遠著還未完 　95.06.08

目睭看過彼邊，風佮雨無停
逐家叫阮過去哈茶佮開講
明知影遐有烏龍、凍頂
毋閣路已經變作烏龍江
阮無法度潦水去甲阿姊相辭
無奈來失約，請汝著原諒
好天兮時陣，總是推無閒
終其尾，阮嘛是無能為力
這咁是拖沙兮報應

阿姊啊！汝退休了後
阮若拄著困難，要去兜位搬救兵
雖然講　相辭只是一個形式
要緊兮是欠汝的情　要安怎還
佳哉　阮是樂暢的個性
若一兮人時　就會唱歌拉曲
無疑悟　時間的蠟燭
煞變甲遮呢仔有個性
一時仔　就化作一陣煙
實在真呣甘甲汝講再見
央望汝　迭迭轉來外家
給遮兮小妹指教佮批評

張碧霞 寫:哈哈
愛食些醋對身體有幫助
阮已經返來置員林了

原來如…貓 唷　　
這爾久無看著汝的影隻
原來已經閣飛轉來囉
呣知汝咁有閣去學琴
阮甲放掉 感覺真呣甘
希望汝會當堅持落去
人講戲棚腳 徛久人的

汝閣真愛講笑
什麼食醋對身體有幫助
食醋真兮會當改變體質呢
建議汝迭迭食 醋
上好食甲老老老
通好佮遮兮好朋友作伴

張碧霞 寫:合著像菜瓜
展開偌一朵花
開開合合
數百遍

心花哪開嗨嗨笑
傷風鼻水滴滴叫
失志
匿置璧角惜

碧霞姊，珋佚來問好…

幾百年前
佇西湖邊
若無伊兮牽成
甘有白蛇佮許仙
彼段白賊的愛情

開咧合咧
換了時代
汝講兮阮毋知
青年男女的情愛
已經和伊無牽礙

好哩佳哉
觀光客上愛
買返去放置廚仔內
淡薄仔稀微
淡薄仔……
啊！阮講未出來