真讚真讚的文章

：「唉！人伊無方便是一世人，咱無方便嘛才
三點鐘爾，無要緊啦！」

真是菩薩的話

阿計..汝的心思細膩..感嘆是正常..呵呵

芳草..
將美麗的事物..藏佇心肝底..安尼著對拉

感謝心雨感性的贈言

感謝56阿計許居士

我也感覺應該唸..興ㄑ一˙ㄑ一˙
但是對照典..興切切..興撲撲..興勃勃
這三種應該攏毋是
阮再揣看勒

問安56阿計問安瓊寒

感謝瓊寒的回應
抱歉..久無來..怠慢了

田嬰成群滿天飛

呵呵..又是故鄉囝仔時記憶中的景象

人講現代的囝仔卡好命
咁有影

等這一代囝仔老去了後
是要懷念啥麼？..只有電腦內底的遊戲

56阿計頭一回看這首詩的時講伊目框紅紅 其實阮當初寫的時.嘛是有目框水水 [每一擺越頭的時] 每一擺越頭的時 浮佇腦海的 是一間日式老厝 厝內底彼個勇健的查埔人 每日早出晚歸 行遍田園 伊是為啥人勒奔波 每一擺越頭的時 浮佇腦海的 是一間日式老厝 厝內底彼個青春的查某人 每日飼雞飼鴨 煮飯洗衫 伊是為啥人勒操勞 厝內底還有五個囝仔 快快樂樂 吃穿無煩惱 囝仔慢慢大漢 勇健的查埔人漸漸虛弱 青春的查某人漸漸老邁 每一擺越頭的時 虛弱的動作 老邁的形影 總會滾絞著阮的心肝 阮錠錠勒想 伊面上一條一條的僚痕 是歲月的無情 還是阮一刀一刀所刻上兮

同窗有九冬˙厝邊十六年˙真情最難得˙單純無猜疑。
一曲離歌響˙歡喜說分離˙阮往北華城˙君向南都市。
當日興沖沖˙別後意綿綿˙各自向前途˙音訊無可知。
故園已不在˙相逢恨無期˙每思故鄉事˙掛念亦開始。
君可記？ 樹頂補蟬看晚霞˙蔗園偷吃睏葉枝。
君可思？ 涼夜遍野蟲鳥聲˙日出戶戶雞公啼。
多少春花開˙幾回秋風起˙歲月去匆匆˙心掛舊童誼。
一聲今如何˙默默問蒼天˙但願吉人助˙萬事皆如意。

四十三的客夜

月光
佇寂寞的夜
透過紗窗
掖落了滿房的
鄉愁

睏未去眼神
掩掩揜揜
花園內
飄來
熟識的香味

悲情的杜蚓
請汝
甭擱叫囉
塗跤底的霜冷
阮了解

心肝頭
囥一粒鈴鐺
啊!!
樹尾的風
甭偎過來拉

阿計...可以...無問題

5656 寫:純情青春夢
愛唱乎腮乃喟腮乃喟較好聽

計仔..
腮乃喟..愛卡自然勒..若無..阮會起枷忍筍..呵呵

芳草汝好..

白色月光
湧出
深深吓思念

嗯!....
純情青春夢..我卡早去KTV定定唱...真愛聽這首歌
若是有查某儂去..阮著會叫伊唱互我聽..因為女人唱卡有味......

心內有一句話~想卜對汝坦白~還是囥置新肝底~卡實在~~~~~~
哈~好聽................

真嫷真有感情的詩
第三段阮特別喜愛..讀來感覺真溫暖...

五月的風..總是特別燒熱..
溫暖每一個浪子的身軀

咁會知??彼一粒關懷佮操煩的心
自開始一直到結束..從來是毋捌停過

張碧霞 寫: 昨方花蕊一簇一簇紅紅紅
人人看到攏喊嫷璫璫
阮嘛醉到茫茫茫
摇咧 摇咧
綴風走
褪到一身空空空

向張老師問好
這篇阮佮意..
簡單..輕鬆..擱有含意..

向簡明問好

心肝底藏著一面記智兮鏡
照著漸漸褪色兮句字
心跳一聲一聲催
催阮雙手兮潦痕　催阮頭鬃白蒼蒼

柔情美麗的詩句...真嫷...好句..

56阿計..阮來囉...
旺仔向各位前輩問安~~~


心花開

落佇透早一陣春雨
洗去暗瞑的鬱卒
抹紅了花蕊
叫醒了鳥隻
將大地
添了一片的涼爽

行出門口
大大吸一口喟
路邊的野花
相爭向阮駛目尾
樹枝頂的風
輕聲細說

天頂的雲是笑微微
沿路陪伴阮
三步行二部跳
踏著輕鬆的腳步
阮聽著
家己心中的聲
唱著彼首青春領