喜菡文學網

http://home.pchome.com.tw/art/p6331370/3624.jpg 行佇山間的小路山裡小路拋荒彎彎斡斡草長孤單行白雲春風展笑意小花一蕊一蕊獻芳味蟲挨弦鳥唱詩涼風抹面做汝去免掛意我有山羌仔做伴未稀微

阮將快樂的向望　
寄踮月娘邊仔彼粒上光的星
子時夜靜將伊提來溫習
自細漢　阿母教阮堅持
阮一直謹記在心毋過
阿母啊！
人生為何食苦濟過糖甘甜？

毋願予汝看阮目頭結結心傷悲
只好，將阮快樂的向望　
寄踮月娘邊仔彼粒上光的星
寂靜的暗暝若看著汝阮就足歡喜
若是足歡喜的時阮就想著汝

有一工，阮會揣著安頓快樂的所在
遐　有傷悲、有煩惱
嘛有嫷嫷春風的美夢
彼時，就互天星自由飛吧
化作一道流星　劃過月娘身邊
尾翼的閃鑠
是阮對汝快樂的喝彩

http://home.pchome.com.tw/art/p6331370/101-1.jpg 窮一碗泔糜夆吞－悼演定師兄食頭路閬縫深犁重耙毋是田水冷霜霜，就是汗流若雨陣為著三頓、為著咱家門栽培序細望伊光明透萬丈可是散鄉人欲安怎，誰人來震璺咱有一碗飯最起碼怹嘛愛有一碗泔糜仔通吞囡仔有冊通讀才會好出運就按呢虎尾愛心行善會一路行踏 18冬溫情予人未失望註.. 夆：給人家。窮：盡量搜集。閬縫：空檔。　　震璺：在乎。散鄉人：窮人。泔糜：稀飯。行踏：行走。說明..演定師兄本名張堅一，參我攏是依止鴻妙法師座下，師兄也是我服務機關的老同事，雖然只是一名技工，毋過慈心...

發表於: 星期四七月 13, 2006 10:07 am 文章主題: 慶讚中元 -------------------------------------------------------------------------------- 慶讚中元　　七月時陣鬼門開，家家門口詮飯菜，僎好兄弟攏請來拜，普度眾生望消災。請水鬼用水燈排，三牲酒醴真豐沛，拜了水燈放落海，流愈遠愈好頭彩。愈流愈遠好頭彩一種活動足精采，即種、這種要提祭品愛比賽，欲提、卜提提的正字是摕選手相爭爬上台，號作搶孤真實在。七爺八爺巡東西，甲討孤餅不是嚵，饞吃了平安人人愛，食民俗紹...

http://home.pchome.com.tw/art/p6331370/3112.jpg 狗吠火車的環境苦行林義雄一陣戇人台灣行透透，講是反核四，拚公投。今仔日，陳玉峰一陣戇人台灣行透透，講欲去環境苦行，閣有人剔光頭表示決心，天氣熱甲欲剝皮，怹若毋佇室內吹冷氣，啊！有影是戇甲未扒癢！講是唯靜宜踅台灣一輦，行一千公里，四十四工，戇人有教授有學生有家庭主婦， 13歲到76歲攏有，講是欲揣台灣的生命力，欲喚醒台灣人環境保育的自覺，嘛欲抗議惡鬥的政治亂未停。我看亦是狗吠火車，這毋是好戲，即馬猴戲欲有人看，毋是藍就是綠，愛爻歕雞胿，閣愛嚎滫規大堆。 20...

反核，煞就愛褪褲
奇哉！悲哀的台灣，
反核，煞就愛褪褲，
連回僥倖兼失德喔！
台灣媒體變甲赫歹喙道！

反核，煞就愛褪褲，
逐家看甲真笑咳咳，
毋知四支利劍劍的刀，
插踮台灣的額頭，
菜蟲食菜菜跤死，
有一工後悔嘛遲。

政府倒晃晃，
政黨見烏著觸，
古意的台灣人煞致著自私癌，
管汰別人兜的海邊掠無魚，
管汰別人怹兜著怪病，
管汰別人怹兜死死去，
橫直，死道友就是，
日頭赤炎炎，隨人顧性命，
會烏盡量烏，會歪盡量歪！
趕緊趁！趕緊開，死就煞啦！
2006.06.26.

周遭：周圍
但是：毋閣
動不動：磕未著
雙胞胎：雙生仔
幸運：好運
三言兩語：三兩句話

繁衍：生湠
合作：相勁
風光：昌（chiann）颺
考了試：考試了
放暑假：歇熱
一點一滴：一滴一注

小吃：點心
土包子：草地傖
個性：性地
相處：做堆、做夥
人模人樣：有一個人範（pan7音辦）
相借問：打招呼
一群人：歸群人

台下：棚跤
蛙式：水蛙泅
仰式：坦笑泅
自由式：掠篙泅
狗扒式：扑抨泅

久無看著翠苓的作品，煞有親像失戀的感覺。望梅止渴，想著囡仔時代生活困苦，毋但無鮮魚仔通配，清飯攪豆油，目睭配的是吊佇壁頂鹹魚鮭準拄數。無魚蝦嘛好，昨暝無意中揣著翠苓一篇早期舊作，伊咧閉關，閣一月日就出關啊，毋敢攪吵，真歹勢我有小可仔改幾字，用來掛佇網站，三不五時看看來止一下仔相思苦，就像目睭配吊佇壁頂鹹魚鮭來止饑．．．／許居士 [/size] 誰是殺手　作者／翠苓佇上班路裡，甘蔗園邊青紅燈跤，一欉一欉刺夯夯的赤查某仔，不時就想欲綴過路人四界去佚陶。一欉仔一欉覕佇一爿的見笑草仔，驚見笑毋敢綴人行，祕思祕思頭揕揕（tim3），總是愛等到創治伊的人行遠矣，伊才逗逗仔共頭舉起來...

吉蠳..蟬詠蟬虞世南垂緌飲清露，流響出疏桐。居高聲自遠，非是藉秋風。注解：《緌》是指帽仔帶在頷頸下打結了後，賰〈剩〉的垂落來的所在。遮是指蟬喙鬚。《清露》指清涼潔淨的露水。《流響》是指蟬的叫聲像流水一樣一直傳過來。《疏桐》疏，是高大的意思。疏桐，是指高大的桐樹。《藉》借助。台譯：樹頂的吉蠳，津落（垂下）來的喙鬚，專心嗍著枝葉甘甜的露水；蔥脆流麗響亮的叫聲，對懸大的梧桐樹頂傳落來，是赫呢自在！吉蠳的叫聲會當傳甲赫呢遠，是因為伊攏是跁（爬）上樹仔頂懸懸懸的所在，並毋是借著他力秋風的推捒（推動）。賞析：詩意是講一個人不貪不取，志氣堅定，人格真高尚，伊毋免去共（給人）扶扶挺挺，...

謔..音是礙謔的謔音無對

火燒罟寮─無望貓仔袋落布袋─無望
歇後語台語嘛有講是孽譎(kiat)仔俗語

俗語冊..目前看著的是...火燒罟寮全無望

火燒罟寮全無望，講去了了..無希望
擔沙填海了戇工，講無路用..白費心情

兩句本成無鬥做伙..是看莊永明老師《台灣妙言覺語》按呢寫.
感覺鬥句了嘛未痞..提起來用

歇後語..台語叫..激骨話、孽畜仔話、孽話、孽譎(kiat)仔話.
.

火燒菇寮－無辜（菇〉
56講法嘛真有道理。

火燒罟寮全無望，會全無望是罟寮是漁村庄內的公共設施，各人的罟─魚網仔攏囥做伙，罟寮若是燒去，這聲歸庄就慘歪歪，就全無希（魚〉望！台灣早期菇的栽培是毋是就像56所講，我是無了解。

http://home.pchome.com.tw/art/p6331370/T3194.jpg 火燒罟寮全無望，擔沙填海了戇工「火燒罟寮全無望，擔沙填海了戇工」，是無奈，無望，去了了，怨嘆無彩工的意思。「火燒罟寮全無望」，是形容走投無路，悲觀絕望全無希望的意思。罟是魚網仔。罟寮：是漁民做伙貯囥魚網的草寮。有人念毋著，一丈差九尺，念做「菇寮」。收囥罟寮底的魚網參罟寮做伙攏予火燒去，倚靠魚網仔來討海掠魚維持生活的向望攏總烏有（泡湯）去了了，真正是悽慘！「無網」與「無望」共音，夆借來指講無希望。「擔沙填海了戇工」，用沙填沙，沙一擔一擔擔來填，海湧一來沖甲無了了，枉費心機－白費神，指無彩工...

吉蠳的唱聲
飲一杯清露
吱一個熱天
沉宓塗內
總算揚眉吐氣
對天地唱聲

飲彼泡清茶
吱陳這季的翕熱
陪伴涼風
洗汝一身清爽

【註】沉宓塗內：潛藏土內唱聲：揚言放話

華台對照典..興切切..興撲撲..興勃勃
56講的..伊用興切切

華台對照典....空穴來風....風聲謗影
國台對照典..,,有空縫風著會來；有空縫著會引風。比喻連小可的缺
點，著會惹起無實在的歹/痞風聲。

http://home.pchome.com.tw/art/p6331370/3098.jpg 來去苑裡華陶窯　　來去苑裡華陶窯　　歡喜甲睏未去的心情來去，貯著淀淀的歡喜轉來，有感恩，嘛有感動的情懷。彼份窯主對土地的愛，彼份頂真用心，赤土變成金。彼份自然佮藝術的透濫，彼份恬寂，涼風、空氣鮮尺芳閣甜。彼份青蘢蘢，花蕊開，蝶仔飛，鳥隻生跳跳唱兼念詩。拄開的蓮花，親像思春的少女，抹了薄薄水粉，勝過新月初出雲。彼份紅磚，疊出台灣人的扑拚嚴硬古意的樸實，彼份好禮，土親人親，割稻飯勝過燕窩山珍。彼份土窯，燒出火炎山的美麗憂愁，生命光彩。彼份粗瓷，捏出熱心、堅心，幼秀、巧氣...

http://home.pchome.com.tw/art/p6331370/078-1.jpg 相片是佇．．綠世界生態農園翕的三煞，好事來歹事煞　　昨兩層歹事一層好事，叫是好事來歹事煞，好事毋但是好名聲，有賞狀佮5萬箍賞金，閣有5工公假通佚陶（遊玩）。歹事好事攏毋敢隱瞞，暗頭仔老實共某招認，先予罵一睏，我是乖乖毋敢應。落尾才講夆表揚足光榮，有賞真歡迎。心內想講：好事來，歹事煞，真佳哉。　　今日早起參朋友去四湖、北港辦代認，辦煞帶我去新港南壇較過一間頂菜園鄉土館，內底收藏真濟古早物，上稀奇有三項，第一是主人寫的七字仔詩貼佇沿路的電火柱頂，對世事的描寫閣寫了真鬥搭。第二是看著較罕看的物件...

新港-頂菜園鄉土館七字仔詩1.
食果籽拜樹頭
食果籽愛拜樹頭，如今已經放水流，
大小企業足歹留，甘願大陸做憖頭。

趁錢有夠濟
趁錢步數有夠濟，交際應酬談買賣，
出門食酒比懸底，入門行路若毛蟹。

http://localfarm.ho.net.tw/
http://www.ttvs.cy.edu.tw/kcc/9467din/d1.htm
[/img]

今仔日　　今日中晝下班時，雨嗒滴，心稀微，險險予大貨車挵著，如果我不幸車禍過身，我的好朋友的確真驚疑，起初無啥相信，後來只好恬恬接受伊，有人會毋甘哭出聲，有人怢怢若柴頭尪仔。有人講奚是業，有人講誠可惜，有人講伊是好人。世間的紛紛擾擾，喪葬的囉囉啼啼，攏離我千萬里，參我無交纏。問我啥遺憾？花開自然有落土時，日頭東出西爿沉落去，人生有來就有轉去，樹葉早慢愛離枝，這是自然的道理。 2006.06.02. 說明：今日中畫騎跤踏車下班，才騎一下，風一吹，雨傘柄煞斷做橛　　　，斷橛柴柄鐕著目鏡，趨落左蕊目睭下面，鑿兩空，血滲出來　　　，用手巾仔止血，趕轉...

有心，才會大。有心，才會活。有心，才讀有冊。有心，才捌道理。
有心，才有情有義。有心，就愛講出喙。有心，嘛愛親手做。
有心，免驚波折。有心，就有勇氣。有心，幸福在眼前。
有心，自然光明燦爛。祝福有心的人滿伊的善願。

5656 寫:什物時陣開始
永遠無嫌慢
只驚永遠無起步
攏只是想想咧爾爾

是毋是會成功
就像居士講的
只求是毋是盡心盡力過
結果無需心罣礙

這是我家己有的體會

版主的話句句精密，瓚！

http://home.pchome.com.tw/art/p6331370/046.jpg 一任清風送白雲－盡力隨緣　　好朋友如玉食老才咧出癖仔（痲疹），最近幾個月要緊咧讀冊拚公職考試，一寡興趣、休閒的活動攏暫時停起來。若是想欲拋出去的念頭浮起來，驚收未轉來，伊歸氣共念頭捏予死，專心一意的精神真正了不起。　　四十外外歲人，毋但愛上班，閣著款厝內，時間實在無夠用，所看的冊閣是毋捌讀過的法律冊，真粗澀、真僫（難）看，真濟閣愛記予椆。考試的時間愈來愈接近，壓力愈來愈大，我勸伊免緊張，發覺是我家己咧緊張。勸伊免緊張，毋但未幫贊伊，閣加添伊的壓力。我外人就咧緊張啊，相信伊私底下嘛足緊張。　　我...

昨昏..音查方.. 昨昏的合音..棕意思是昨天

昨日昨參耕作的..作..共音意思是前天大前天叫大昨日

http://home.pchome.com.tw/art/p6331370/950528.jpg 真珠無跤會走今年國中基測國文閱讀測驗，有一條文言文題目出自《說苑》卷八《尊賢》，末學就用台文來試寫這篇文章的意思。文章原本是按呢：「趙簡子游於河而樂之，歎曰：「安得賢士而與處焉！」舟人古乘跪而對曰：「夫珠玉無足，去此數千里而所以能來者，人好之也；今士有足而不來者，此是吾君不好之乎！」趙簡子曰：「吾門左右客千人，朝食不足，暮收市征，暮食不足，朝收市征，吾尚可謂不好士乎？」舟人古乘對曰：「鴻鵠高飛遠翔，其所恃者六翮也，背上之毛，腹下之毳，無尺寸之數，去之滿把，飛不能為之益卑；益之滿把，飛...

用字各人不同，我照手邊的字典用字做參考

昨方＝昨昏
喊＝喝，喊文讀音「罕」，名聲一下喊起來（名聲大噪）
白話音「hiam3，馦險喊第3聲」，喊雞仔、喊伊起床

含笑過晝芳芎蕉，手捾菜藍挽茶葉。
驚父驚母毋敢叫，假意呼雞喝鶆鶚。

對，應當是..綴（tue3ㄉㄨㄝ！跟隨）綴時行，
綴樣（模仿別人的樣子），綴前綴後
未食硞硞綴，食了嫌漚貨
脫音「thuat4」，出脫、脫線
若用「thng3.燙」是褪剝裼（打赤膊）

今日寫回應..發覺送出有問題.系統講送未出去
結局就像..雲夢老人按呢

特大的雨傘

「旗魚」叫破雨傘
「陽傘」叫花仔傘
「欖仁樹」叫雨傘樹
阿若...牽尪仔補雨傘..
是講啥代，誰會知

赤跤行路會破皮
用皮用布包跤變做鞋
赤身行路，日曝雨淋
真無奈
啥人腦智迹精明
發明這款寶貝物
會當遮日遮雨閣便宜

青翠的楓仔葉，像日出，充滿了青春氣概的活力。
染黃的楓仔葉，像紅霞〈晚霞〉，充滿了使人沉醉的美感。
青翠佮染黃攏是生命的過程，
有青翠時陣的認真扑拚，
染黃的時陣是偌呢仔〈多麼〉迷人燦爛，
雖然老，未哺土豆，人生的路行赫透，
像一本冊，咱若好禮仔共讀，一定有真濟的道理予人頓〈點〉頭。

汝講的排版全形的問題..汝講我才了解..
標點符號用法..我會較注意
歡迎批評我的作品．．．批評別人我是較未曉
為了誠意我盡力做看．．．

http://home.pchome.com.tw/art/p6331370/a/200605253.jpg 夜半鐘聲　　月娘慢慢徙對西爿的山嶺沉落去，烏鴉發出啼叫的聲音，滿天罩著白茫茫的寒霜，江邊的楓仔葉予風吹甲搖來搖去，漁船一葩一葩的燈火，恬恬對著心悶睏未去的我。蘇州城外的寒山寺，更深半暝的鐘聲，一聲閣一聲傳到我歇睏的帆船內。」這是唐朝張繼的詩作〈楓橋夜泊〉－月落烏啼霜滿天，江楓漁火對愁眠。姑蘇城外寒山寺，夜半鐘聲到客船。　　寒山寺因為這首詩出名，嘛變成千古以來的遊覽勝地，到今猶原有濟濟的人千里迢迢欲來聽伊的夜半鐘聲。寺院的鐘聲嘛因為這首詩得著注目，寺院叢林的鐘聲變做詩人熟...

清明杜牧

清明時節雨紛紛，路上行人欲斷魂。
借問酒家何處有，牧童遙指杏花村。

清明的時陣，落了綿綿的毛毛雨，
這種烏陰的天氣，予佇路裡行徙的人，心情不止仔苦悶。
我想欲啉一屑仔燒酒來解愁，借問咧佗位有酒店？
飼牛囡仔用手指著彼爿遠遠的庄頭，遐啦！「杏花村」！[/quote]

清明杜牧

清明時節雨紛紛，路上行人欲斷魂。
借問酒家何處有，牧童遙指杏花村。

清明的時陣，落了綿綿的毛毛雨，
這種烏陰的天氣，予佇路裡行徙的人，心情不止仔苦悶。
我想欲啉一屑仔燒酒來解愁，借問咧佗位有酒店？
飼牛囡仔用手指著彼爿遠遠的庄頭，遐啦！「杏花村」！

回鄉偶書賀知章

少小離家老大回，鄉音無改鬢毛衰；
兒童相見不相識，笑問客從何處來？

我唯（從）少年就離開故鄉
到了老矣才倒轉來
雖然故鄉的腔口並無改變
我的鬢邊毛已經是變成若白霜
細漢囡仔看到我，無相捌（識）
閣笑笑咧問我講：人客官，咱是唯佗位來的

儼硬業命的老母，向望身體健序細知有孝..阮表示敬意佮祝福
綠荷.. 歡迎做伙來寫台文
有人做伴寫文..一種鼓勵..一種觀摩學習..感覺真燒烙

汝的文筆真好..感謝56姊仔對台文的拍拚佮招呼後進
嘛想著33的作品..
佮綠荷共款思想真幼路.文內底有深深的親情.
讀來足感心..真好
汝這篇請允准我佇〈在〉電台念予人聽

2006年的母親節早起6點半去李斯特瑜珈花園練習瑜珈，學員特別送兩位老師母親節雞卵糕佮一束剪絨仔花（康乃馨），感謝老師唯嘉義來到虎尾免費教阮逐家。 9點去智覺寺抄經，參加的人才10個人，頂禮拜日嘛才19個人爾。這是慧海文敎舉辦的，無濟人參加的原因真濟，主要是毋是熱門的修行法門。佛門內底，熱門的是經懺、像水陸、梁皇、水懺。愈大場，人愈濟，會當消災解厄增福報的，人就濟。反倒轉來，咧經說法的，20間揣無1間有，佛門信徒的素質，參佛陀所講的「自依止、法依止、莫異依止」，有真大的距離。下晡搭朋友的車去台中看丈人，朋友的小妹仔欲轉去台中驚塞車，愛朋友載伊。一路平順無塞車，我參牽手先落車到病院看蹛院的...

http://home.pchome.com.tw/art/p6331370/1078.jpg 細漢佇夢中紡見細漢是迢遠的代誌，對無頭神的我，大多數是空囉嗦，干礁（只）賰（剩）會記一項：逐工早起時，阿母愛用行的，去兩口灶（兩戶）共人洗衫。有時拄到衫濟（多），洗了較晏（晚）愛閣趕另外彼位，我囡仔人行路慢，阿母歸氣（乾脆）共我揹咧行足緊，日頭炎，我的汗滴落阿母澹澹的尻背脊尻頂，並無彼種日頭芳的味。第一口灶我已經未記得主人是誰，另外一口灶是德春印板所（印刷廠），頭家頭家娘人真好，誠疼我，攏會提好食物仔請我，逐擺我攏毋敢提，一定愛阿母講好才肯說謝接收。後來我出社會去公家食頭路，到了升做正式職員，...

思念不三時

思念，唯底時？
不三時！

五月的剪絨行來行去，
我走入房間覕，
恬恬思念阿母伊，
想著伊生活拖磨，
煞來病苦過身去
這陣，想欲有孝，
人已經到天邊，
燒滾的目屎燙目墘，
雄雄攬著綿被當做阿母共阮擒（khinn5）
享受較早彼種夆惜夆疼做囝溫暖的滋味。

註：剪絨：康乃馨。覕：躲。恬恬：靜靜。擒：呵護。

人死..就真毋值..較輸一隻豬仔..豬死去.豬頭.豬肉閣有人欲愛..
捌看著亡者夆囥咧壁邊土跤..天氣熱..煞用大大塊的冰角矺〈壓〉踮身
軀頂，像七月半咧冰豬爿...阮去助念，一看著..我目屎隨流出來..唉...

寫文章的心情佇作品發表了後，親像一間厝用心起造落成彼種的歡喜。閣較上歡喜的，是有人看，有人看有，閣會曉欣賞。閣再上蓋大的歡喜，是有人提出意見，指出缺點或者好的所在。假使文章內底有一、兩句是作者上合意的，寫了上好的，有人看會出來，按呢是上盡磅的歡喜。對方才正港是知己，毋但是「粉絲」爾爾（而已）。頂工，寫彼篇《公奠文》的時，結尾的時想欲對人生的生生死死做一個看法，想了真久，看著收藏的別人文章內底，作者提起唐朝錢起足有名的詩句：講人生如曲，「曲終人不見，江上數峰青」。伊閣講：「其實，人生並無消失去，人生所譜的曲調，也毋捌（不曾）終止過；船隻干礁（只是）行向另外一條水路。」以上是用台文譯寫，原文...

參加奠禮了後的回想2. 親人過身，現主時大多數是交予葬儀社處理，葬儀社按怎講，家屬就按怎做。一擺蹛嘉義的師兄怹的老父過往，怹一個是高中老師，一個是醫生，阮趕到位，干礁看怹兩人怢怢坐踮客廳膨椅，毋知欲創乜好，老父的身軀囥踮怹頭前面的土跤兜。身軀倒佇一領薄薄的床枋頂懸，床枋的下面鋪著六塊薄薄一沿的磚仔角，磚仔角的下面是土跤。彼一幕足淒涼的感覺，我永遠會記得。十幾年前阮去共亡者助念，就發覺拚廳共亡者囥佇土跤兜，感覺誠毋值，誠不忍心，心肝足礙謔。師父就敎阮愛將遺體的床枋用椅頭仔疊懸（墊高），助念團認為真有理，去助念的時就按呢要求，拄開始有的家屬毋肯接受，當時的葬儀社嘛有人反對，毋過較明理的家屬，...

參加奠禮了後的回想下晡參加過身同事庄跤的奠禮，電子琴參西樂團咧奏樂，女歌手唱著台語歌詩「心酸酸」，使人心酸強欲碎。奠禮按照固定的規律進行，不三時仔插雜著鬥跤手的人大大聲的講話，我目頭結結，印象中佇室外舉行的奠禮大多數是亂操操。佳哉時間是下晝四點，天氣已經較無赫熱，若無呢，紅日赤日頭布篷跤是若烘爐。心內一直有一個感想，奠禮搭布篷較按怎佈置就是未莊嚴，世俗的儀式嘛看真未合意。每改去參加公奠，上香、獻花、獻果、行鞠躬禮，免一分鐘，一群人挨挨陣陣去，連鞭人走甲空空空，感覺是咧應酬。因為學佛閣學著臨終關懷，才去幫贊蓮友的喪儀，我是揀對象，無想欲搶專業葬儀的生利，而且無收紅包。插幾何年，嘛未愛插...

量siong7〈音上〉....意思是有餘量..充裕...揣幾仔本字典..干礁學者陳修先生..許極燉先生寫做..量剩. 可見強欲夆未記得

上網查詢[量] ê結果─台語文Concordance 程式
是好命人的享受，對我來講，無赫量剩。
嫷佇穿插卡量剩。

查字典..剩..閣無上的音..可能是借意

量剩..量其約..的量是文語音..白話音是念量1斗米..量身軀..的量〈音娘〉....

1.台文會使佇生活中應用著，像批信、廣告、喪喜的賀辭、請帖、卜
文、奠文.....
2.奠文或者是有人講是祭文，若用文言文來寫來唸，除非亡者是漢學
仔仙，無咧一定像鴨仔聽雷。
3.用台文，真心實意用咱的母語唸..才會感通..感動人..過身的人..喪
家的親人攏會得著哀榮...心安..

公奠文維中華民國95年5月8日，台灣○○地方法院院長○○○帶領同仁代表，誠心誠意獻紙儀致祭佇本院法警黃東州君的靈前：嗚呼！東州君！山領猶原青翠，溪水猶原悠悠，東州君啊！汝煞一去無回頭！緬懷汝出生庄跤，囡仔時代就真乖巧，幫贊厝內田園穡頭，養成生活樸實、單純，個性顧謙、溫和，做事搰力、儼硬，做人正直、熱心，處處為人設想，事事要求和諧圓滿的人格特質。汝原本就讀北港高農畜牧獸醫科卒業，應當會當佇即個部門真好的發揮。後來做兵抽籤分派到憲兵部隊，因為這個因緣，致使汝退伍了後，經過本院嚴格的甄選，佇民國80年8月 16日到本院任法警，84年參加中央機關委任升官等及格，92年得著司法...

http://home.pchome.com.tw/art/p6331370/002-00.jpg 透路理直透的意思濟濟真精彩，今仔日就來開講講看覓。暗頓減一口，活到九十九，大腸透尾口（直腸子）。話若是講透機透徹），目屎抔（pue2撥）未離。光陰親像風送箭，透晡屬於規半日，透日是規日，透冬是規年。學好著三年，學歹一對時。一年透冬是一年搭搭。一透是一擺、一改。五更透早、透早五六、透早透要攏是咧講七早八早。透暝透日是講一暝到天光，透世人是指一世人。直人講直話，食飽講猶未。話欲講，講透流（說清楚講明白）。有話明唱，愛透徹（講話有條理）。有人造塔，著造到透尾。魚仔欲煎，毋通煎無透...

像佇森林內一欉樹仔
家己活.活出家己

聽著汝柔柔低沉的歌聲
唱出..六月茉莉

瓚！
小可仔練一下...就會削削叫

有 106 筆資料符合您搜尋的條件